Sa Isang Kurap Nawaldas na ng mga Korap

-
(Setyempre 3, 2016)

Sa Isang Kurap Nawaldas na ng mga Korap
            Ilang bagyo, kalamidad o delubyo na ba ang naranasan ng mga mahihirap na pamilya sa Pilipinas? Ilang sunog na ba ang nangyari na nakaligtas sila, nabuhay, napunta sa evacuation center at nagutom doon? Hindi na mabilang. Nakatala, oo, pero hindi naman binibigyang-pansin. Nakababahala, malamang, pero wala namang ginagawang aksyon. Tumutulong, marahil, pero hindi naman sapat para pagsilbihan ang napakaraming pamilyang Pilipino na nagugutom at naghihirap sa tuwing darating ang mga kalamidad o delubyong hindi naman nila napaghahandaan dahil sa kapos din naman sila sa pang-araw-araw na pagbuhay sa sariling pamilya.
            Halos lahat ng Pilipino ay maniniwala kapag sinabi kong 90% ng mga nakaupo sa gobyerno ay korap. Dumating ang Ondoy at Yolanda sa Pilipinas nang parang walang tinirang buhay sa mga nasalanta. Oo, nagdagsaan ang tulong ngunit ang tanong, naging sapat ba? Nakatulong bang talaga? Dahil kung ihahambing sa tulong na ginagawa ng ibang bansa sa kanilang mga kababayan, walang-wala ang nagagawa ng pamahalaan natin sa kayang gawin ng gobyerno ng ibang bansa.
            Kung isasama pa ang tulong na ipinaaabot ng ibang bansa sa atin, nakapagtatakang bakit parang hindi naman nare-relieve ang mga binibigyan ng relief. Nandoon na tayo sa pagtingin sa tulong na ipinaaabot ng gobyerno, ngunit hindi rin natin maiwasang tignan kung ano-ano ba ang hindi nila nagagawa para sa atin.
            Maraming nagsasabi na kahit anong administrasyon naman daw ang maupo, may mapupuna at mapupuna pa rin. Hindi naman daw perpekto ang bawat administrasyon, na tama lang namang isipin. Ngunit bakit hindi nila pag-ibayuhin sa pagdaan ng panahon. Bakit naulit lamang sa Yolanda, ang mga kaganapan noon sa Ondoy at sa iba pang bagyo nagdaan? Bakit paulit-ulit lamang ang paghihirap na ipinakikita ng midya?
            Totoo nga bang walang pagbabagong nagaganap? Paano kung palitan lahat ng nakaupo sa gobyerno? May mababago kaya? Hindi natin alam.
            Sa bagong administrasyong Duterte, ang magagawa lang natin ay maghintay, sa kung ano ba ang posibleng mabago sa pamahalaan. Dahil sa ipinakikita niyang katapangan sa pagpuksa sa totoong kanser ng lipunan, ang droga, hindi rin malayong mangyari na masikil na rin niya ang totoong nagpapahirap sa kalagayan ng mga mahihirap, ang mga korap.
            Maaaring nag-ugat lamang sa iisang puno ang droga at korapsyon. Pakulo ng mga taong ganid sa salapi at kapangyarihan. Nakatatakot ang hinaharap ng pangulo dahil paniguradong malalaking pader ang kailangan niyang banggain, ngunit kung iisipin naman ang kapakanan ng sambayanang Pilipino, tiyak na magagalak ang nakararami.
            Marahil kulang lamang tayo sa tapang at malasakit sa mga kababayan natin kaya naaatim lang nating mandaya, mangurakot, magnakaw. Mas inuuna natin ang sariling interes kaysa kababayan. Kaysa sa ikauunlad ng bayan. Iyon ang malaking problema natin.
            Nabanggit nga sa pelikulang Heneral Luna, ang problema ng mga Pilipino ay ang pag-una sa sarili, pag-una sa pamilya ngunit hindi na inaalala ang pambansang kalagayan. Kung papipiliin ang isang Pilipino kung bayan o sarili? Tiyak na mag-iisip pa ito.

            Nakalulungkot ngunit patuloy pa ring lumalaganap ang kanser ng lipunan. Ang kanser nating mga Pilipino.                                                                                                           

-FIN

Mga Komento

Mag-post ng isang Komento

Mga sikat na post sa blog na ito

Pokus ng Pandiwa: Direksiyonal at Sanhi

-
Sa mga naunang yunit, natalakay na natin ang pagtukoy sa pokus ng pandiwa sa tagaganap , layon , pinaglalaanan , at kagamitan . Sa araling ito matatalakay naman natin ang pokus ng pandiwa sa direksiyon at sanhi bilang paksa ng pangungusap. Suriin at analisahin natin ang pagtalakay at mga halimbawang ibibigay. Pokus sa Direksiyon Masasabing nasa pokus direksiyonal ang pandiwa kung ang paksa ay nagsasaad ng direksiyon ng kilos ng pandiwa sa loob ng isang pangungusap. Ang mga panlaping malimit na ginagamit dito ay -an / -han. Halimbawa : Pinuntahan ng batang si Jim ang puntod ng yumaong Ina sa Antipolo .      Kung mapapansin, gumamit ng pariralang tumutukoy sa isang lugar sa siyang nagsilbing paksa ng pangungusap. Ito rin ang pinatutungkulan ng pandiwa “pinuntahan”.      Gawin nating patanong ang pangungusap, “Saan pinuntahan ng batang si Jim ang puntod ng yumaong Ina?” ( sa Antipolo ) Iba pang hallimbawa. Nag-akyatan ang mga deboto sa grotto ng Bulacan .      Mu
Magbasa nang higit pa

Mga Salitang Magkakatulad at Magkakaugnay

-
Sa pag-unawa ng panitikan, malaki ang ginagampanang tungkulin ng wika bilang daluyan ng kaayusan nito. Ang isang mambabasa ay maaaring umugat ng pag-unawa sa akda batay sa mga salitang pamilyar sa kaniya. Ayon sa mga pag-aaral, mas nagiging matagumpay ang pag-unawa sa mga akda o tekstong kung nasusulat ito sa katutubong wika. Magkagayunman, may mga hakbangin din tungo sa pag-unawa ng akda o teksto batay sa umiiral na wika at daloy ng pahayag sa kuwento. Suriin ang mga salita sa ibaba. §   mabango–mahalimuyak–masamyo §   maganda–kaakit-akit–maayos May mga salita na akala nati’y magkakaparehas lamang ang gamit dahil halos magkaparehas ito ng nais ipakahulugan. Ngunit mali, ang bawat salita ay may inaangkupang pangungusap depende sa diwa o mensaheng nais ihayag nito. Halimbawa : Mabango ang bulaklak ng sampagita. Masamyo ang pabangong iyong ginamit. Mahalimuyak ang iyong buhok.      Kung susuriin ay ginamit sa iba’t ibang antas ang mga halimbawang salita. “Mabango” pang
Magbasa nang higit pa

Kaligirang Pangkasaysayan ng El Filibusterismo

-
Ang Kaligirang Pangkasaysayan ng El Filibusterismo Isa ang nobelang El Filibusterismo ni Dr. Jose Rizal sa mga natatanging akda na naisulat at tumatak sa kasaysayan ng rebolusyon at pagkilos ng lahing Pilipino. Kasunod ito ng naunang nobelang Noli Me Tangere na nailimbag noong Pebrero 1887 sa Berlin, Germany. Nang taong din iyon, nagpasya si Rizal na bumalik sa Pilipinas makalipas ang limang taon ng paglalakbay at pag-aaral sa Europa upang muling makapiling ang kaniyang pamilya at makapaglingkod sa kaniyang bayan bilang isang manggagamot. Ngunit dahil sa kontrobersiyang dala ng kaniyang unang nobela na naipakalat na rin sa Pilipinas, napilitan siyang lisanin ang bansa at muling maglakbay sa Europa dahil sa mga banta sa kaniyang buhay at kaligtasan ng kaniyang pamilya. Dulot ng kaniyang mga namalas na pagbabago’t mga suliranin sa kaniyang bayan dahil sa mapang-aping pamamalakad ng mga ganid na prayle, muling sumikdo ang pagnanais ni Rizal na lumaban sa pamamagitan ng kaniyang pan
Magbasa nang higit pa